Gjykata ka shpallur të pafajshëm ish-kryetarin e Bashkisë së Pogradecit, Eduart Kaprin. Ai u akuzua për shkelje të barazisë në tendera dhe shpërdorim detyre.

Kapri dhe 5 ish-zyrtarë të kësaj Bashkie u akuzuan së pari për shkelje në tenderin e blerjes së druve të zjarrit me 9.2 milionë Lekë të reja të zhvilluar në tetor të 2017-s.

Një tjetër akuzë që rëndoi ndaj ish-kryebashkiakut ishte ajo e pengimit të zgjedhjeve lokale të 30 Qershorit të 2019-s duke mbyllur me çelës në rrethin e jashtëm 3 shkolla dhe 1 kopsht ne lagjet 2 dhe 5 të qytetit të përcaktuara nga KQZ si qendra votimi.

Por siç mësoi gazetarja e Klan News, Glidona Daci, avokati Sokol Hazizaj bindi gjykatën në pafajësinë e klientit të tij./tvklan.al