Një aksident i rëndë është shënuar mbrëmjen e së dielën në qytetin e Lezhës. Dy makina u përplasën kokë më kokë. Për pasojë mbetën të lënduar dy persona.

Ata morën dëmtime të rënda dhe u dërguan në spital për ndihmë mjekësore.

Aksidenti në fjalë ndodhi në hyrje të qytetit të Lezhës. Si pasojë e goditjes së fortë, njëra prej makinave doli jashtë rruge.

“Rreth orës 21:30, në  Ishull- Lezhë janë përplasur automjeti tip “Benz” me drejtues shtetasin T. K., me automjetin tip “Golf” me drejtues shtetasin J. B. Si pasojë e përplasjes janë dëmtuar të dy drejtuesit e  automjeteve dhe pasagjeri në automjetin tip “Benz”, të cilët ndodhen në spital, në kujdesin e mjekëve”, njoftoi policia.

Siç duket edhe nga pamjet aksidenti ka qenë shumë i fortë mes dy mjeteve. Ndërkohë policia po heton për shkaqet dhe rrethanat që shkaktuan aksidentin./tvklan.al