Një aksident me pasojë vdekjen e një gruaje dhe plagosjen e disa të tjerëve, ka ndodhur mbrëmjen e së mërkurës në autostradën Tetovë – Gostivar.

Sipas Tetova Sot, lajmi është konfirmuar nga Komandanti i Zjarrfikëseve të Tetovës, Uka Aliti, i cili ka dhënë se një grua ka mbetur e vdekur dhe disa të tjerë janë plagosur. Mësohet se  janë përplasur dy automjete me njëra-tjetrën.  Policia dhe zjarrfikëset kanë mbërritur në vendngjarje. Nuk bëhet ende i ditur emri i viktimës si dhe emrat e personave të tjerë që janë plagosur.

Ekipet e policisë janë në vendngjarje, dhe po punojnë në zbardhjen e plotë të aksidentit.