Një autoblindë e Policisë së Kosovës është përfshirë në një aksident mbrëmjen e së Premtes në fshatin Grabovc në veri të vendit. Për pasojë 8 efektivë policie që udhëtonin me të mbetën të plagosur.

Ata u dërgua në spital, ku pas marrjes së ndihmës mjekësore 5 prej tyre u larguan, ndërsa 3 të tjerë vijojnë të qëndrojnë nën kujdesin e mjekëve në spitale të ndryshme.

Njëri nga policët e plagosur është duke u trajtuar në Klinikën e Kirurgjisë Torakale në Prishtinë, ndërsa mjekët bëjnë të ditur se ai ka thyerje të brinjve në të dyja anët e kraharorit, por gjendja e tij është e qëndrueshme.

Policia në një njoftim bëri të ditur se makina me të cilën udhëtonin policët ka rrëshqitur dhe ka dalë nga rruga në mënyrë aksidentale.

Tv Klan