#AldoMorningShow Emision mëngjesi nga #AldonLipe në #TvKlan.{

Prej 13 vitesh të divorcuar por ende miq! Telefonuesja: U ndamë prej vjehrrës

Meri, një telefonuese në “Aldo Morning Show” në Tv Klan, mendon se pas divorcit është e mundur që ish-partnerët të ruajnë miqësinë. Nga eksperienca e saj personale, martesa ka përfunduar prej 13 vjetësh dhe prej saj ka një vajzë. Fëmija është arsyeja kryesore e raportit të mirë me ish-bashkëshortin me të cilin komunikon rregullisht.

Sot asnjë prej tyre nuk ka krijuar një familje të re. Meri thotë se nuk janë ndarë për shkak të problemeve në çift, por prej vjehrrës.

Meri: Ne kemi marrëdhënie të mirë me bashkëshortin ngaqë kemi një fëmijë, flasim, takohemi, madje shkojmë shpeshherë me vajzën atje, kur ka ndonjë problematikë e pyes, mundohemi ta zgjidhim së bashku dhe më duket mëse normale. Shumëkujt faktikisht i duket si çudi.

Aldo: Me thënë të drejtën çudi duket.

Meri: Çudi, por unë nuk jam martuar më, nuk kam pasur ndonjë lidhje tjetër dhe ia kam kushtuar jetën time me vajzën time.

Aldo: Ai është martuar?

Meri: Jo, jo.

Aldo: As ai?

Meri: Jo.

Aldo: Sa kohë ka që jeni ndarë ju?

Meri: Ne kemi 13 vite.

Aldo: Ndonjë arsye e fortë apo kush e mban mend arsyen thuaj?

Meri: Arsyen e kemi shumë të fortë. Shumë të fortë, mua më duket injorancë ta them por jemi ndarë për vjehrrën time.

Aldo: E qartë, megjithatë ma merr mendja që vjehrra  është më?

Meri: Vjehrra për fat ka vdekur sivjet, nuk ia vlen më.

Aldo: “Për fat ka vdekur sivjet”, je e madhe! Deshe të thoshe “për fat të keq?”

Meri: Jo, s’po them hiç për fat të keq, por thashë për fat ka vdekur sivjet se ishte 95 vjeçe, shumë e madhe. Ne për atë jemi ndarë, nuk është se jemi ndarë për problemet tona, megjithatë komunikojmë, kemei një fëmijë në mes.

Aldo: Megjithatë koha i zbut gjërat?

Meri: Jo, nuk ka lidhje fare. Ne thjesht ekziston komunikimi sepsekemi një fëmijë të përbashkët, por jo që gjëra të tjera mund të ndodhin.

“Vëllai u martua dhe u nda dy herë. Nuk shkonte mirë me asnjërën”, Lindita e kujton mes lotësh

Lindita mendon se mes një çifti s’mund të ruhet një marrëdhënie pas divorcit. Ajo ndan në “Aldo Morning Show” në Tv Klan historinë e vëllait të saj të ndjerë. Ai është martuar dhe është ndarë dy herë.  Me asnjërën prej ish-bashkëshorteve me të cilat ka dy fëmijë, nuk pati një raport të mirë.

Lindita: Nuk ekziston miqësia, kam pasur vëllain të martuar dy herë. Të dy herët është ndarë. Nuk e kam vëllain më, ka 8 vjet. Sa ishte gjallë nuk shkoi mirë me asnjërën grua. Ka dy fëmijë. Çunin e ka me gruan e parë, gocën me gruan e dytë. Sa ishte gjallë, nuk shkoi mirë me asnjërën.

Aldo: Po pse u nda, di gjë ti?

Lindita: Xhelozia.

Aldo: Është një ndjenjë e poshtër shumë.

Lindita: Më vjen keq që nuk e kam atë vëlla më.

Aldo: Të rroni e ta kujtoni! /tvklan.al