Në ceremoninë e betimit të Donald Trump nuk  munguan çudirat. Në ngjarjen që mblodhi personalitetet më të rëndësishme, këta të fundit morën një çantë dhuratash.

Sipas Page Six, të ftuarit VIP që ishin thirrur personalisht nga presidenti Trump dhe familja e tij, u pritën me një çantë me sende të pazakonta.

Ngjyra blu marinë që u përdor në vitin 2017 ishte zëvendësuar nga “e kuqja republikane”. Në të gjendej një bllok i madh me lëkurë të kuqe dhe një stemë ari të Kapitolit, një monedhë lëkure e kuqe dhe një mbajtëse.

Një tjetër objekt mbresëlnës ishte një medalje bronzi me portretet e presidentit Trump dhe zv/presidentit JD Vance. Në anën tjetër të saj, ishin emrat e kandidatëve.

Dhuratat e tjera ishin një monedhë e kuqe “sfidash” dhe një zbukurim xixëllues Krishtlindjesh me Shtëpinë e Bardhë.

Nuk mungoi as një shishe me pijen e preferuar të presidentit, një pije e gazuar dietike. Në të shkruhej:  “Inagurimi i Presidentit të Shteteve të Bashkuara, Donald J. Trump, 20 janar, 2025”.

Një çantë e madhe e bardhë me skicën e Kapitolit në të kuqe ishte gjithashtu pjesë e dhuratave.