Në redaksinë e emisionit “Stop” në Tv Klan, qytetarë e titullarë qendrash shëndetsore denoncojnë mungesën e tamponëve për viroza e Covid. “Stop” bëri një vëzhgim në Tiranë e rrethet Elbasan, Librazhd, Delvinë, Gjirokastër e Sarandë. Tamponët mungojnë në të gjithë Shqipërinë.

Qendër shëndetësore, Tiranë

Qytetari: Të bëj një test Covid-i, tampon?

Infermierja: S’ka teste! Nuk kemi!

Qytetari: E kur vijnë?

Infermierja: S’na kanë sjellë! S’kanë furnizim, thanë!

Qytetari: Faleminderit!

Qendër shëndetësore, Tiranë

Qytetari: Të bëj një test Covid-i!

Infermierja: Nuk ka teste!

Qytetari: Nuk bëhen me një fjalë?

Infermierja: Jo, nuk bëhen!

Qendër shëndetësore, Tiranë

Qytetari: Ku mund të bëj një… për Covid-in, tampon?

Mjekja: Nuk ka më!

Qytetari: S’ka?

Mjekja: Jo, s’ka! Nuk kemi, se ato që ishin deri në fund të korrikut, ato që na skaduan, i morën i hoqën, s’na kanë ardhur të tjerë!

Qytetari: Faleminderit!

Qendër shëndetësore, Elbasan

Qytetarja: Si kaluat? Ju lutem, doja të bëja një tampon!

Infermierja: Tampon?

Qytetarja: Po!

Infermierja: Ne nuk bëjmë tamponë. Për pjesën e Covid-it?

Qytetarja: Për pjesën e Covid-it.

Infermierja: Atëherë, do të shkosh tek dega e Higjenës, poshtë!

Qendër shëndetësore, Librazhd:

Qytetarja: Të lutem, ku mund të bëj një tampon tani?

Infermierja: Për çfarë?

Qytetarja: Për gjendje gripale. Viroza, Covid-ëra…

Infermierja: Për Covid-in, mund të shkosh lart tek spitali atje!

Qytetarja: Nuk bëhet asnjë lloj tamponi këtu?

Infermierja: Ncuq, ncuq.( jo)

Qytetarja: Po kanë qenë bërë dikur…

Infermierja: Po s’kemi bërë! S’na kanë sjellë teste! Çfarë të të them unë? Ngjitu lart tek spitali.

Qendra shëndetësore, Delvinë:

Qytetari: Do bëj tampon, o burrë!

Infermieri: Arsyeja? Ke simptoma, gjëra?

Qytetari: I kalova, por duhet të shoh, jam kshu apo …

Infermieri: Sa ditë ke, që i ke kaluar, se do dalin pozitive, nëse nuk ke kaluar 10 ditë.

Qytetari: 7-8 ditë!

Infermieri: Bëji 10 ditë të plota! Prit edhe 3 të tjera, se jam i sigurtë, që do dalë pozitiv, se më doli dhe mua vetë, edhe pacientëve të mi.

Qytetari: Po mirë, ma bëj o burrë, s’ka gjë! E gjeta këtë numrin.

Infermieri: O zotëri, do të presësh 3 ditë, të të dalë negativ! Kot të ta bëjmë! E ke pozitiv.

Qytetari: Mos lëviz me frikë, o burrë!

Infermieri: Po ti ashtu do jesh, ja….

Qytetari: Po prandaj them, ta bëj!

Infermieri: Ashtu do jesh edhe 3 ditë të tjera.

Qytetari: S’keni tampona ju, që s’po e bëni, apo çfarë?

Infermieri: Kemi shumë pak realisht! Ne ia kemi marrë borxh kësaj qendrës shëndetësore atje.

Qendra shëndetësore, Sarandë:

Qytetari: Ku bëhen këto tamponat?

Punonjësja: Tek Spitali Ushtarak, ngjitu lart!

Qytetari: Këtu tek kjo, ok.

Qytetari: Si jeni?

Punonjësja: Mirë!

Qytetari: Tamponat, ku bëhen?

Punonjësja: Ja ulu atje! (Pret…)

Qendra shëndetësore, Gjirokastër:

Qytetari: Tamponi bëhet?

Punonjësja: Në urgjenca!

Qytetari: Isha tek Poliklinika për tampon, por më thanë të vij këtu.

Punonjësja: Po ik tek DSHP-ja, mo bëje!

Qytetari: Po ata më sollën këtu!

Punonjësja: Ata të sollën?

Qytetari: Eee…

Punonjësja: Ja ik çoja doktoreshës!

Qytetari: Te dhoma vizitës s’kishte njeri!

Punonjësja: Tani, po prit të vijë edhe!

Qytetari: Për tampon? Ajo e Poliklinikës më tha ik këtu.

Mjeku: Kë ke? Nuk është këtu?

Qytetari: Është turist, mo.

Mjeku: Ka temperaturë? I ka bërë temperaturë?

Qytetari: Apo ta lëmë njëherë! Ta shikojmë, ta sjell nesër në mëngjes, apo si?

Mjeku: Sot i filloi temperatura?

Qytetari: Ka dy ditë.

Mjeku: Jepi ndonjë gjë për temperaturën, dhe po ashtu sille pak më vonë të vijë!

Qytetari: Po më sorollasin! Ik andej, hajde këtej…

Mjeku: Ik, po s’e nuk bëjmë (tampon).

Për këtë problem kërkohet informacion te titullarja e Operatorit të Shërbimeve të Kujdesit Shëndetësor, Jeta Deda. Kjo e fundit, e zënë ngushtë, në fillim nuk e pranoi mungesën e tamponëve e më pas thotë që fajin e kanë titullarët e qendrave shëndetësore që nuk kanë bërë ankesa./tvklan.al