Një iPhone 6S që ra rastësisht nga një avion i mbijetoi rënies me vetëm disa të gërvishtura e madje filmoi të gjithë udhëtimin drejt tokës.

Celulari ra pas një incidenti të prodhuesit të filmave Ernesto Galiotto, i cili po mundohej që të kapte një video në një dritare avioni në Brazil.

Sipas mediave braziliane, Galiotto ishte pasagjer në një prej sediljeve të avionit të vogël dhe po udhëtonte sipër Rio De Janeiro-s.

Fatmirësisht askush nuk u lëndua nga rënia e celularit dhe pajisja telefonike u gjet duke përdorur GPS-in.

Mësohet se avioni ndodhej në një lartësi prej 300 metrash dhe ishte me fat që nuk ra në ujë./tvklan.al