I ngarkuari me punë i Ambasadës së SHBA-së në Tiranë, David Wisner, u shpreh se përurimi i bazës së Kuçovës është gur kilometrik i përkushtimit të Shqipërisë ndaj parimeve të NATO-s.

“Dëshiroj t’i bashkohem partnerëve këtu për ta përgëzuar Shqipërinë në përurimin e bazës së parë ajrore të NATO-s në Ballkanin Perëndimor dhe gjithashtu ky është një tjetër gur kilometrik në përkushtimin e vazhdueshëm të Shqipërisë ndaj parimeve të NATO-s, të mbrojtjes së paqes, lirisë dhe demokracisë”, tha ai gjatë fjalimit të tij në ceremoninë e inaugurimit të bazës.

Wisner përgëzoi ndër të tjera dëshirën e Shqipërisë për të zgjeruar më tej bashkëpunimin me NATO-n./tvklan.al