Lajme, #edicioniinformativ ora 19:30 data 16 Tetor 2024 #TvKlan #klanlajme

Spiker: Drini Zeqo

Headlines 16 Tetor 2024

Mbërrijnë 16 emigrantët e parë afrikanë nga Italia. 30 ditë në Gjader në pritje të përgjigjes për azil
Mbërrjnë në Shëngjin me një anije të marinës italiane 16 emigrantët e parë. Pas verifikimieve 2 prej tyre u kthyen në Itali pasi ishin minorenë. Emigrantët e tjerë do të qëndrojnë në kampin e Gjadrit deri në marrjen e përgjigjes për azil.

Djegia e karrigeve, 4 deputetë të opozitës do të paguajnë 765 mijë lekë brenda 20 nëntorit
Mbi 765 mijë lekë llogariten dëmet e shkaktuara nga deputetët e opozitës në seancën e 30 shtatorit ku dogjën karriget. Deputetët Gazment Bardhi, Flamur Noka, Bledion Nallbati dhe Elda Hoti duhe të paguajnë dëmin brenda 20 nëntorit.

“Botox” me solucione të dëmshme në disa klinika estetike. Arrestohen 3 administarorë, 3 në kërkim
Policia ushtron kontroll në 30 klinika estetike për goditjen e kontrabandës së “Botoksit”. Në pranga u vu administratori i një subjekti që fuste produktin në mënyrë të paligjshme dhe 2 drejtues klinikash. 3 te tjerë shpallen në kërkim.

Turizmi 2030, si do të ndahen 6 rajonet sipas planit të qeverisë. Drafti hidhet për diskutim
Zbardhet harta e ndarjes së 6 zonave turistike në strategjinë e zhvillimit të turizmit deri në vitin 2030. Zonat janë ndarë në bazë të veçorive që kanë, dhe synimi është që pas 6 vitesh netqëndrimet të arrijnë në 35% në kulmin e sezonit.

Izraeli bën gati planin e hakmarrjes ndaj Iranit. CNN: Do të goditen vetëm objektivat ushtarake
Hakmarrja izraelite ndaj Iranit është gati. CNN shkruan se në planin e miratuar nga qeveria në Tel Aviv parashikohen të goditen vetëm objektivat ushtarake dhe jo sitet atomike dhe ato të naftës.

Asllani, në formacionin e ligës B në ligen e kombeve. Vlerësim për lojën dhe golin ndaj Gjeorgjisë
Kristjan Asllani përzgjidhet në formacionin më të mirë pas ndeshjeve të Ligës së Kombeve. Mesfushori I shqipërisë vlerësohet për lojën në dy ndeshjet, ndaj Cekisë dhe Gjeorgjisë dhe vecanërisht për shënimin e golit.
/tvklan.al