Italia po përgatitet të përballet me një valë të motit të keq. Departamenti i Mbrojtjes Civile ka shpallur një gjendje alarmi të kuq në rajonin e Toskanës dhe Emilia Romagna.
Në këtë të fundit kryetarët e bashkive vendosën të mbyllin shkollat në disa vende, duke përfshirë Bolonja, Imola dhe Ravenna.
Rreziku i daljes nga shtrati i lumenjve dhe rrëshqitjet e dheut janë një arsye për shqetësim të madh. Edhe në Firence, Livorno dhe Prato është njoftuar tashmë mbyllja e shkollave, por edhe dyqaneve.
Kreu i rajonit qendror të Toskanës, Eugenio Giani, u bëri thirrje banorëve dhe vizitorëve të tregohen të kujdesshëm. Sipas mediave italiane do të hapeshin portat e rezervuarve për të lehtësuar fryrjen e lumit Arno.
Klan News
