Pas dy ndeshjeve pa fitore në Champions League, Juventusi synon të rikthehet te suksesi ndaj Aston Villa-s në transfertë. Një përballje delikate për italianët, me trajnerin Thiago Motta, që në konferencën për shtyp, vlerësoi maksimalisht kundërshtarin.

Sipas trajnerit të Juventusit, Aston Villa është një ekip i madh dhe duhet përqendrim maksimal. Motta pret vazhdimësi nga skuadra, pas paraqitjes ndaj Milanit.

“Ne do të futemi në fushë me përqendrim maksimal dhe të kujdesshëm, për tu përballur me një ekip të madh. Kemi respekt maksimal për kundërshtarin. Më pëlqen ky format i Ligës së Kampioneve, sepse përballemi me ekip të ndryshme dhe përgatitja e punës është ndryshe. Jemi të fokusuar ndaj Aston Vilës, por jemi të vendosur për të bërë një paraqitje të mirë.

Dua vazhdimësi në skuadër, për të vazhduar atë që bëmë ndaj Milanit, që të mos i lejojmë rinisjet e shpejta. Anglezët janë të rrezikshëm në kundërsulme dhe për këtë arsye duhet të jemi solidë në mbrojtje. Është një ndeshje ku duhet të sulmojmë mirë dhe të mbrojmë mirë”, deklaroi Motta.

/tvklan.al