Gjermania e nisi rrugëtimin në Europian, në mënyrën më të mirë të mundshme, duke mposhtur Skocinë, me rezultatin e pastër 5-1.

Një ndeshje e dominuar totalisht nga “pancerat”, që bindin në startin e turneut. Wirtz zhbllokoi sfidën në minutën e 10-të, ndërsa Musiala dyfishoi shifrat në të 19-ën.

Havertz realizoi të tretin në fundin e pjesës së parë, ndërsa në të dytën kishte vend edhe për dy supergola të Can dhe Fullkrug.

Ashtu si ndeshja e sotme, edhe takimet e tjera të Euro 2024, do të transmetohen në Tv Klan.  

GJERMANI-SKOCI 5-1

Wirtz 10′, Musiala 19′, Havertz 46′, Fullkrug 68′, Can 93’/ Rudiger 87′ (Autogol)

Ndeshja minutë pas minute:

Mbyllet ndeshja!

90+3’- Goooool Gjermania 5-1! Emre Can, i manhit të gjithë me një supergol nga jashtë zone, për të vulosur takimin.

90’- Akordohen 3 minuta shtesë.

88’- Gooool Skocia 4-1! Ngushtojnë diferencat skocezët. Forrest, I ndihmuar nja një devijim i Rudiger, ngushton shifrat në 4-1.

81’- Emre Can futet në fushë dhe i merr vendimin mesfushorit tjetër, Toni Kroos.

79’- Spektakël i gjermanëve në zonë, me disa pasime me kokë, por topi largohet në momentin e fundit në goditje këndi.

76’- Gjermania shënon të pestin, por goli i Fullkrug anulohet për pozicion jashtë loje.

74’- Vjen momenti i Muller. Sulmuesi merr vendin e Musiala-s.

68’- Gooooool Gjermania 4-0! Fullkrug, realizon të katërin për gjermanët. Sulmuesi përfiton nga një top I mbetur në zonë dhe me të djathtën, e ndal topin në trekëndësh.

67’- Dy zëvendësime te Skocia. McGregor dhe McGinn largohen dhe në vendin e tyre inkuadrohen Gilmour dhe McLean.

67′- Mittelstadt tenton me një gjuajtje të fortë nga jashtë zone, por topi shkon mbi traun e portës.

63’- Zëvendësim i dyfishtë për Gjermaninë, largohen Havertz dhe Wirtz, për t’i lënë vendin Sane dhe Fullkrug.

62’- Tah ndëshkohet me karton të verdhë, për ndërhyrje të ashpër ndaj Roberton.

61’- Portieri Gunn ndalon një top të rrezikshëm që po shkonte drejt Wirtz.

58’- Nuk ndalen sulmet e gjermanëve. Golit i afrohet edhe Gundogan, që sheh gjuajtjen e tij të ndalet pranë vijës fatale.

57’- Gjermania i afrohet golit të katërt. Wirtz shpërdoron një rast të artë pak metra larg portës, duke gjujatur jashtë.

51’- Rudiger provon me një gjuajtje të fortë nga një distancë e largët, por portieri Gunn e largon në goditje këndi.

48’- Raltson ndëshkohet me karton të verdhë për ndërhyrje të gabuar ndaj Wirtz.

47’- Mundësia e parë e rrezikshme për Skocinë, me McTominay, që hedh një top në zonë, por largohet nga mbrojtësit e Gjermanisë.

46’- Zëvendësimi i parë te Gjermania, largohet Andrich për Gross. Te Skocia, Hanley merr vendin e Adams.

45’- Nis pjesa e dytë.

Mbyllet pjesa e parë!

45+1’ Gooool Gjermania 3-0! Havertz nuk gabon nga pika e bardhë.

45’- Akordohen 3 minuta shtesë.

43’- Penallti për Gjermaninë, arbitrit i mjaftojnë pak sekonda për për të akorduar 11-metërsh për vendasit. Porteous ndëshkohet me karton të kuq, duke lënë Skocinë me 10 lojtarë.

42’- E pabeushme çfarë ka humbur Gjermania. Kimmich kroson në zonë, me topin që shkon te Gundogan, i cili provon me kokë, por pret portieri. Në vazhdim të aksionit, mesfushori merr një ndërhyrje të ashpër dhe pretendon penallti. Pas rishikimit në VAR, arbitri akordoi penallti.

40’- Minuta të qeta dhe pa raste të rrezikshme nga të dyja kombëtaret, që tregohen të kujdesshme në prapavijë.

32- Musiala shënon të tretin për Gjermaninë, por goli anulohet për prekje me dorë nga Havertz gjatë aksionit.

31’- Kartoni i parë i verdhë në këtë ndeshje. Andrich ndëshkohet pas ndërhyrjes ndaj McTominay.

28’- Provon Havertz me një gjuajtje të fortë nga goditja e dënimit, por pret portieri me shumë vështirësi, pas një devijimi nga muri mbrojtës.

24’- Penallti për Gjermaninë, pas një ndërhyrje të Christie ndaj Musiala-s. Pas rishikimit të VAR-it, anulohet 11-metërshi, për tu akorduar faull jashtë zone.

19’- Goooool Gjermania 2-0! Të papërmbajtshëm “pancerat”, me Musiala-n, që nuk gabon pas një pasimi të marrë nga Havertz, duke realizuar të dytin. Pas topit të marrë në zonë, sulmuesi lëviz bukur dhe me një gjuajtje shumë të fortë, nuk i lë asnjë mundësi reagimi portierit kundërshtar.

18’- Vertikalizim i shkëlqyer nga Toni Kroos për Wirtz, por portieri skocez largon rrezikun.

10’- Gooooool Gjermania 1-0! Zhbllokohet sfida, me Wirtz, që shfrytëzon si duhet një asist të marrë nga Kimmich dhe me të djathtën, e ndali topin në fundin e rrjetës.

7’- Gundogan merr një top shumë të bukur në hyrje të zonës, por e lëshon më shumë seç duhet dhe humbet një mundësi shumë të mirë shënimi.

4’- Start i vrullshëm i gjermënve, që ashtu siç edhe pritej, janë kërkues nga fillimi dhe duan të gjejnë golin.

1’- Mundësi e artë shënimi për Gjermaninë, me Wirtz, që merr një top të gjatë nga Rudiger, por i vetëm me portierin gabon. Arbitri akordon pozicion jashtë loje.

Starton takimi!

FORMACIONET ZYRTARE:

Gjermania: Neuer; Rudiger, Tah, Kimmich, Mittelstadt, Gundogan, Andrich (Gross), Wirtz (Sane), Kroos (Can), Musiala, Havertz (Fullkrug).

Skocia: Gunn, Ralston, Robertson, McTominay, Tierney, McGinn, McGregor, Adams, Christie, Hendry, Porteous (Karton i kuq).