Aktori i humorit Bes Kallaku, një nga kapitenët

Vetëm një ditë na ndan nga nisja e emisionit të ri të moderatores së mirënjohur Luana Vjollca, e cila mban vulën e autorësisë së “Zemër Luana” në ekranin e televizionit Kombëtar Klan.

Një tjetër i ftuar, i kërkuar nga publiku, dhe që i bashkohet natës së parë, është reperi shumë i njohur Don Xhon. Ai vjen në skenën e “Zemër Luana” për të luajtur dhe sigurisht për të rrëfyer të pathënat sa i takon karrierës së tij.

Por jo vetëm kaq. Që do të ketë kapitenë në “Zemër Luana” kjo është e sigurt, por se kush do të jenë këtë do ta zbuloni vetëm me nisjen e transmetimit të emisionit të shumë kërkuar të dielën në prime time.

Njërin prej tyre e njihni të gjithë. Ai është një nga aktorët më të dashur të humorit.

Bes Kallaku është një nga kapitenët që do ti bashkohet emisionit “Zemër Luana”. Me kë do të jetë përballë Bes Kallaku? Mes tyre patjetër që do të ketë garë, madje do të jetë një konkurrencë e fortë. Por një gjë është e sigurt, që të qeshurat nuk do të mungojnë këtë të dielë në ekranet tuaja.

Shumë gjëra do të ndodhin këtë të dielë. Muzikë, surpriza dhe emra të tjerë të mirënjohur që i bashkohen “Zemër Luana” në prime time.

Tv Klan