Policia e Tiranës ka shoqëruar 29 persona në përpjekje për të zbardhur vrasjen e Elton Çiçës, mbrëmjën e të dielës në Tiranë. Konfirmohet vetëm arrestimi i njërit prej tyre me akuzën e prishjes së vendit të krimit. Ky ishte personi që shoqëronte viktimën, por identiteti i tij nuk bëhet i ditur.

Blutë thonë se kanë shoqëruar Elton Imerin, të cilit iu bë atentat me eksploziv në makinën e tij, 8 Dhjetorin e vitit të kaluar.

Vëllai i tij ishte pjesë e grupit që grabiti prindërit e Elton Çiçës. Ai aktualisht ndodhet në burg për këtë ngjarje.

Imeri është shoqëruar orët e para të mëngjesit të së hënës në cilësinë e personit që mund të ketë dijeni për krimin.

Policia është tepër e rezervuar në dhënien e detajeve se çfarë ka deklaruar ish-ushtaraku para hetuesve.

Burimet nga policia e kryeqytetit thonë se janë shoqëruar edhe tre të rinj nga qytetit i Laçit.

Ata janë kushërinj të Robert Ramës, i cili u vra 11 Qershorin e kaluar në Durrës,në zonën e Kënetës.

Shoqërimi i tyre është bërë për shkak të dyshimeve se Elton Çiça është vrarë për hakmarrje.

Tv Klan