Të ftuar:

Blerina Ago – Eksperte Udhëtimesh

Arber Cepani – Moderator

Fatjon Plaku – Fotograf

Balina Bodinaku – Moderatore

Meri Dishnica – Gazetare

Denada Kola – Bloggere

Xhulia Kuka – Xhulia Blogg

Saimir Kodra – Moderator i emisionit “STOP”

Turizmi i aventurës në Shqipëri mund të jetë një destinacion për të huajt, por vëmendja e madhe ndaj kësaj alternative është edhe një rrugë për t’iu shmangur përgjegjësisë dhe paaftësisë për të shfrytëzuar të gjitha burimet që vendi ynë ofron.

Për Balina Bodinakun turizmi i aventurës është një atraksion i prekshëm mjaft mirë në Shqipëri, por ne duhet t’i ofrojmë vetes dhe të tjerëve edhe mundësi të tjera nga potencialet e ndryshme që mban në vetvete natyra shqiptare nga veriu në jug dhe jo vetëm.

Sipas saj, një mundësi e mirë për të gjithë është edhe turizmi kulturor, si arkeologjia dhe entokultura e larmishme që ofrojnë zona të ndryshme të vendit.

Balina Bodinaku mendon se për të shijuar siç duhet arkitekturën mahnitëse të Beratit, thjesht duhet të endesh nëpër rrugët e tij mahnitëse. Aty ka një minare të bukur, një kështjellë të jashtëzakonshme, disa kisha dhe pa harruar afërsinë me malin e Tomorrit.

Sigurisht jo vetëm kaq, pasi në qytetin e Beratit gatuhet shumë mirë…

Në vitin 2008, Berati u fut si një vend i trashëgimisë botërore në UNESCO-s së bashku me Gjirokastrën për arkitekturën e saj osmane të ruajtur mirë.

Edhe para kësaj, Shqipëria investoi në rregullimin e ndërtesave për të ruajtur arkitekturën mahnitëse të Beratit.

Ka një numër muzeumesh në Berat, duke përfshirë edhe Muzeun Etnografik Kombëtar të Beratit, i cili tregon se çfarë jete bënin banorët e mëparshëm të Beratit.