Ylli televiziv Spencer Pratt ka parë i tmerruar sesi shtëpia e tij është bërë shkrumb e hi nga zjarri në Los Anxheles.

Aty është shpallur gjendja e jashtëzakonshme teksa zjarret vazhdojnë ta përpijnë pak nga pak, ndërsa njerëzit po largohen nga shtëpitë. Rreth 30.000 persona tashmë janë larguar teksa rezidencat miliona dollarëshe po shkatërrohen.

Spencer Pratt dhe Heidi Montag janë një prej çifteve të famshme që ka pësuar humbjen e shtëpisë pasi u përfshi nga flakët ditën e djeshme. Burime për TMZ kanë deklaruar se e gjithë familja u evakuua përpara se kjo të ndodhte, por është e shkatërruar për këtë humbje.

Pratt postoi një video në InstaStory pak orë para evakuimit ku zjarrfikësja hidhte ujë nga lart në një mal aty pranë për të shuar flakët. Spencer u fotografua jashtë shtëpisë në një gjendje të shqetësuar teksa shihte zjarrin të përhapej.

Çifti u bashkohet Mark Hamill dhe fëmijëve të Travis Barker që gjithashtu janë evakuuar. Zona më e prekur është shtëpia e të famshmëve si Ben Affleck, Tom Hanks dhe Steven Spielberg.

Në të banojnë edhe yje si Tom Hanks, Rita Wilson, Miles Teller, Reese Witherspoon, Adam Sandler, Steve Guttenberg dhe Michael Keaton.

Zjarri është shtrirë në 3000 akra deri më tani dhe ka arritur në Malibu e Santa Monica./tvklan.al