Trajneri i Partizanit, Aleksandar Veselinovic, ka gati planin për sfidën e javës së 11-të ndaj Skënderbeut.

Tekniku i të kuqve, vlerësoi kundërshtarin, duke thënë se janë një ekip i stabilizuar. Veselinovic, deklaroi se në Korçë pret një ambient pozitiv dhe terren të mirë për të luajtur futboll.

Sipas tij, kampionati shqiptar është shumë i luftuar dhe çdo pikë e arritur, është flori.

“Sigurisht që kemi një plan për ndeshjen nesër. Sot do të zhvillojmë edhe stërvitjen e fundit. Kemi probleme me disa lojtarë të cilët janë të skualifikuar si pasojë e kartonëve. Gjithashtu në stërvitjen e sotme do të shikojmë edhe gjendjen e disa lojtarë të cilët kanë shfaqur probleme. Por ndeshjen nga minuta e parë sigurisht do ta nisin ata që kanë kondicionin e duhur fizik.

Kam respekt për Skënderbeun, sikurse për të gjitha klubet e tjera. Janë një skuadër me ambicie. Në dy ndeshjet e fundit ndaj Bylis dhe Elbasanit ata kanë luajtur mjaft mirë. Ndaj Elbasanit ata luajtën për shumë minuta me 10 lojtarë, pas daljes me kartonë të kuq të Prençit. Edhe pse në inferioritet numerik ata luftuan për të marrë tre pikët ndaj Elbasanit. Janë një ekip i mirë me kualitet, por ne duhet të mendojmë për veten tonë. Kolegu im Gvozdenoviç ka një kohë të gjatë në krye të kësaj skuadre. Ka ide të qarta, Skënderbeu është një ekip i stabilizuar. Jam i sigurt që do të gjejmë një atmosferë pozitive dhe një terren të mirë.

Është normale që ata do të futen në fushë për të fituar. Në futboll janë prezente të 3 rezultatet fitore, barazim dhe humbje , do të shohim në fund çfarë rezultati do të prodhoj ndeshja. Në kampionatin shqiptar çdo javë është shumë interesante. Ne shënuam në Shkodër në minutën e 92, Laçi shënoi ndaj Tiranës në minutën e 98, këto gjëra ndodhin në futboll. E kam thënë shpesh kur kam dal përpara jush në kampionatin shqiptar në këtë sezon çdo pikë e fituar është flori. Kjo është shumë pozitive për futbollin shqiptar”, deklaroi Veselinovic.

Ndeshja Skënderbeu-Partizani, do të luhet të mërkurën në qytetin e Korçës, duke nisur nga ora 17:00. /tvklan.al