Klubi i Bundesligës Mainz thotë se është “i befasuar” nga raportet e mediave japoneze që nënshkrimi i ri Kaishu Sano u arrestua në Japoni.

“Ne ende nuk mund të vlerësojmë apo komentojmë këto raporte për shkak të mungesës së informacionit. Ne po përpiqemi ta sqarojmë çështjen sa më shpejt dhe në mënyrë gjithëpërfshirëse të jetë e mundur” – .shkruajti klubi të mërkurën në rrjetin social X.

Mainz nënshkroi 23-vjeçarin Sano, një mesfushor mbrojtës, nga Kashima Antlers më 3 korrik. Ai nënshkroi një marrëveshje katërvjeçare dhe është nënshkrimi i tretë japonez i klubit pas Shinji Okazaki dhe Yoshinori Muto.

Sano, i cili ka luajtur katër ndeshje për Japoninë, do t’i bashkohej bashkëlojtarëve të tij të rinj në Mainz për stërvitjen parasezonale të dielën.

/tvklan.al