Reshjet e para të sezonit që kanë përfshirë qarkun Shkodër nuk kanë sjellë situata problematike përsa i përket qarkullimit në akset rrugore.

Raportohet se në aksin Bogë-Theth ka reshje dëbore, por qarkullimi vijon pa probleme, ndërsa kërkohet që automjetet të qarkullojnë me goma dimërore në këtë aks.

Gjithashtu raportohet për reshje dëbore në Bashkinë Pukë dhe Fushë Arrëz, por pa krijuar problematika.

Nga strukturat e OSHE nuk raportohen situata problematike, ndërsa në Bashkinë Vau Dejës ka shkëputje të energjisë elektrike.

Reshjet e shiut nuk kanë shkaktuar probleme në infrastrukturën e kullimit dhe argjinatura./tvklan.al