Titujt kryesorë 11 Qershor 2010, ora 19:30

Nis Botërori i Futbollit, Afrika e Jugut barazon me Meksikën

Bota mbarë është e fokusuar sot në Afrikën e Jugut, ku startoi Kampionati Botëror i Futbollit, me një ceremoni madhështore që shënoi hapjen e saj. Në ndeshjen e parë, pritësit barazuan me Meksikën. Ndeshja tjetër pas një ore është ajo mes Uruguajt dhe Francës.

Starton KlanBet, si të besh para me Botërorin 2010

Ndeërsa në Tv Klan startoi dje KlanBet, emisioni që do të shoqërojë çdo pasdite shqiptarët përgjatë Kampionatit Botëror me parashikimet e rezultateve të ndeshjeve, me suportin e kompanive më të mëdha të basteve.

Berisha: PS po bën çdo gjë për të penguar integrimin

Kryeministri Berisha akuzoi sot opozitën shqiptare se po bën gjithçka për të penguar integrimin. Zëdhënësja e qeverisë, Ministrja Bregu tha se oferta e mazhorancës për opozitën është transparenca pa shkelur ligjin. Kryeparlamentarja Topalli deklaron se askush nuk qëndron mbi ligjin.

Meta ne Paris, mbështetje për vizat dhe integrimin në BE

Franca mbështet Shqipërinë në procesin e integrimit europian, si dhe heqjen e vizave brenda këtij viti. Garancia u mor në Paris gjatë një takimi që Ministri i Jashtem Ilir Meta pati me homologun e tij francez, Bernard Kushner.

Kosova përkujton 11 –vjetorin e ndërhyrjes së NATO–s

Kosova përkujton sot 11–vjetorin e ndërhyrjes së trupave ushtarake të NATO –s, që sollën edhe çlirimin e saj nga agresioni ushtarak i Sllobodan Millosheviçit. Ky përvjetor u përshëndet edhe nga Kryeministri Berisha.

Edicioni i lajmeve Tv Klan  – 11 Qershor 2010, ora 19:30 – Spikere: Sonila Meço