Fitorja e Holandës me shifrat 3-0 ndaj Rumanisë, ka lënë një shije të mirë te Roland Koeman. Trajneri deklaroi, se paraqitja që skuadra tregoi në fushë, ishte e jashtëzakonshme.

Koeman deklaroi se Holanda duhet të fitojë diçka, kjo edhe për shkak të lojtarëve të rinj që ka në ekip dhe duhet të fitojnë eksperiencë.

Sipas tij, Holanda e ka detyrim që në fushën e lojës, të tregojë futboll të bukur për ata që i ndjekin.

“Është e vështirë që njëherë luajmë keq dhe më pas arrijmë një nivel kaq të lartë loje. Pavarësosht se minutat e para ishin të vështirë ndaj Rumanisë, ne ia arritëm të dilnim në lojën tonë. Krijuam shumë probleme për kundërshtarin.

Kritika e vetme që mund të kem është se goli i dytë erdhi shumë vonë. Më pëlqeu shumë aspekti sulmuesi i skuadrës. Kemi shumë talente dhe e dimë që duhet të fitojmë diçka. Kam parë që shumë Kombëtare kanë pasur probleme vazhdimësie. Rezultati është gjëja që ka më shumë rëndësi në Europian, por ne jemi Holanda, e kemi detyrim të prodhojmë një futboll të bukur. Performanca ndaj Rumanisë ishte e jashtëzakonshme.”, deklaroi Koeman.

Në çerekfinale, Holanda do të përballet me Turqinë dhe objektivi është i qartë, të kualifikohen në gjysmëfinalen e Europianit.  /tvklan.al