“Kazino, kozmetikë, birra…”, 14 gratë më të pasura në botë

Gratë më të pasura në botë drejtojnë biznese në një sërë industrish, nga pasuritë e paluajtshme e deri te kazinotë apo kozmetika.

Françoise Bettencourt-Meyer, vajza e Eugene Schullet, themeluesit të kompanisë së njohur kozmetike L’Oréal, zotëron një pasuri marramendëse prej 93 miliardë dollarësh. Pa marrë parasysh trashëgiminë e familjes së saj, Françoise ka bërë hapa mbresëlënës në botën e biznesit, duke forcuar pozicionin e saj si një nga gratë më të pasura në mbarë botën. Historia e saj është një dëshmi e fuqisë së vendosmërisë dhe këmbënguljes për të arritur sukses të jashtëzakonshëm.

Alice Walton, trashëgimtarja e Walmart ka një pasuri të jashtëzakonshme prej 61.4 miliardë dollarësh. Pavarësisht se ka lindur e pasur, Alice është përkushtuar plotësisht në sipërmarrje dhe te pasioni i saj për artin apo me kontributin e saj të rëndësishëm në kauza të ndryshme filantropike.

Mackenzie Scott, ish-bashkëshortja e themeluesit të Amazon Jeff Bezos, ka një pasuri të konsiderueshme prej 27.6 miliardë dollarësh. Pas divorcit të saj shumë të komentuar, Mackenzie ka dhuruar miliarda për organizata dhe kauza të ndryshme bamirëse. Angazhimi i saj për të dhuruar dhe krijuar një shoqëri më të barabartë ka fituar admirim dhe respekt të gjerë, duke forcuar trashëgiminë e saj si një miliardere.

Julia Koch, pas vdekjes së bashkëshortit të saj, David Koch, u bë pronare e “Koch Industries” dhe trashëgoi një pasuri mbresëlënëse prej 59 miliardë dollarësh. E njohur për hirin, inteligjencën dhe mendjemprehtësinë e saj, Julia ka ‘lundruar’ pa probleme në rolin e saj si një figurë e shquar në botën e biznesit..

Në zemrën vezulluese të Las Vegas, një emër qëndron i lartë në mesin e “titanëve të industrisë së kazinove”, Miriam Adelson. Me një vlerë neto marramendëse prej 37.7 miliardë dollarësh, ajo është aksionerja kryesore e “Las Vegas Sands”. Nga fillimet modeste si mjeke, udhëtimi i Miriam Adelson nuk ka qenë aspak i zakontë. Partneriteti i saj me bashkëshortin e saj të ndjerë, Sheldon Adelson, ishte katalizatori që i shtyu ata në mbretërinë e miliarderëve.

Në botën e ëmbëlsirave, shquhet vetëm një emër, Jacqueline Mars. Me një pasuri prej 38.3 miliardë dollarësh, ajo është bashkëpronare e “Mars Inc”, një fuqi globale në industrinë e ushqimit dhe ëmbëlsirave. Nga M&M ikonë te Snickers-i , Mars Inc. është bërë sinonim i cilësisë dhe kënaqësisë.

Huiyan Yang, personazhi kryesor kur flasim për pasuritë e paluajtshme kineze. Zotëron një pasuri prej 38.3 miliardë dollarësh dhe 58% të aksioneve në “Country Garden Holdings”. E lindur në një familje modeste, ajo trashëgoi një biznes të vogël pronash nga babai i saj dhe e shndërroi atë në një “perandori të pasurive të paluajtshme”.Nga rezidencat e deri te komplekset më të fundit, çdo projekt është një kryevepër e kompanisë së saj.

 E veja e bashkëthemeluesit të “Apple”, Steve Jobs. Me një vlerë neto të vlerësuar prej 16.4 miliardë dollarësh, ajo qëndron si një figurë udhëheqëse në botën e teknologjisë dhe më gjerë.

Ngrini një dolli për Charlene de Carvalho-Heineken! CEO dhe bashkëpronare e perandorisë ikonike të fabrikës së birrës “Heineken”. Me një pasuri prej 16.7 miliardë dollarësh, ajo nuk po ruan vetëm një trashëgimi, por po krijon të ardhmen e kulturës së birrës në mbarë botën. Heineken nuk është thjesht një pije, është një simbol i festës dhe cilësisë.

Diane Hendricks ka drejtuar ABC Supply që nga vdekja e bashkëshortit të saj, Ken, në vitin 2007. Të dy themeluan biznesin në Wisconsin në vitin 1982. Pasuria e saj thuhet se kap 13.7 miliardë dollarë.

Renata Kellnerova zotëron pasurinë prej 17 miliardë dollarësh. Deri dy vite më parë, bashkëshorti i saj Petr Kellner ishte personi më i pasur në Republikën Çeke, por me vdekjen e tij Renata dhe 4 fëmijët kanë në pronësi “PFF Group”. Kompania thuhet se ka rreth 44 miliardë dollarë asete. Përveç kompanisë, Renata drejton Fondacionin e Familjes Kellner, i cili synon të ofrojë mundësi arsimore për studentët çekë.

Rafaela Aponte-Diamant zotëron 31.3 miliardë dollarë. Ajo është bashkëpronare e gjigantit të transportit në Zvicër “MSC”, bashkë me të shoqin Gianluigi Aponte. Sipas Forbes, MSC është linja e transportit më e madhja në botë dhe të dy zotërojnë nga 50% të aksioneve. Ata u njohën në Capri në vitin 1960 teksa po shijonin pushimet. Në 1970 ata morën kredi rreth 200 mijë dollarë dhe kështu nisi gjithçka.

E njohur si “mbretëresha e Selfie-ve”, Kylie Jenner është padyshim më e reja që i është bashkuar grupit të miliardereve. Në një familje ku fama dhe pasuria janë po aq të zakonshme sa darkat e tyre, Kylie Jenner zotëron pasurinë prej 900 milionë dollarësh. Por si po e rrit ajo buxhetin personal? Me ndikimin në mediat sociale, ajo ka ngritur “Kylie Cosmetics”, një gjigant bukurie që ka riformuar industrinë kozmetike. Por vetë prania e saj në Instagram i sjell fitime marramendëse.

Mbretëresha që e ktheu arin në diamante! Asnjë skenë nuk është shumë e madhe dhe asnjë kurorë shumë e rëndë për Beyoncé, emri i së cilës është sinonim i talentit, fuqizimit dhe pasurisë. Duke grumbulluar mbi 500 milionë dollarë gjatë karrierës së saj solo, Beyonce nuk ka thyer vetëm rekorde, ajo ka rishkruar narrativën për artistët në mbarë botën. Nga ditët e saj me “Destiny’s Child” deri në udhëtimin e saj novator solo, zëri i Beyoncé ka tejkaluar zhanret e muzikës për t’u bërë një simbol i fuqizimit të femrave.

/tvklan.al