Ndeshjet e kombëtareve, kanë sjellë probleme të shumta, sa i përket dëmtimeve të lojtarëve. I fundit që e ka pësuar, ishte ylli i Arsenalit, Martin Odegaard.

Mesfushori norvegjez, u dëmtua në sfidën ndaj Austrisë. Lojtari u largua nga fusha i përlotur, duke lënë të kuptohej se ishte një problem serioz.

Në analizat e kryera, është zbuluar dëmtimi i rëndë. Bëhet fjalë për një ndrydhje në kyçin e këmbës.

Për këtë arsye, Odegaard, do të jetë jashtë për të paktën një muaj dhe do të humbasë disa ndeshje të rëndësishme të Arsenalit. Nëse rikuperimi shkon sipas planit, norvegjezi pritet të rikthehet të luajë, në mesin e muajit tetor.

Gjatë kësaj periudhe, 25-vjeçari do të humbasë takime të rëndësishme, si ato ndaj Tottenham, Atalantës, Manchester City, Bolton, Leicester, PSG dhe Southampton.

Humbje e madhe për trajnerin Arteta, pasi Odegaard është kthyer në një titullar të padiskutueshëm për “topçinjtë”. /tvklan.al