KRT-ja i jep fund kaosit të frekuencave që kanë mbizotëruar në ekranet e teleshikuesve shqiptar. Ky këshill do të vendosë dhënien e dy licensave kombëtare për radiotelevizionet private. Sipas informacioneve të deritanishme, Tv Klan është i vetmi televizion privat i cili plotëson të gjitha kriteret për licensimin për transmetimet kombëtare.

Pretendentët e tjerë në garë janë ATN1, Tv Shijak, Real Tv, Tv Ballkan, Alba Ballkan, Alfa Tv, Kukës Tv, Tv Norba e të tjerë. Pas publikimit të fakteve të fundit në shtyp mbi problemet e pronësisë në Televizionin Arbëria, KRT do t’a ketë të vështirë licensimin e këtij operatori.

Me ndarjen e licensave kombëtare rajonale dhe kombëtare, KRT do të kryejë shpërndarjen e frekuencave dhe do të ndëshkojë shkelësit e të drejtave televizive. Pas marrjes së licensës kombëtare, Tv Klan do të nisë transmetimet me satelit, ndërkohë që ka përfunduar punimet në studion e re të transmetimtit në qytetin e Shkodrës./tvklan.al

Gazetar: Vladimir Lame