Spiker: Reis Çiço

Headline 12 Janar

2024 Ekzekutohet në derë të shtëpisë një 56-vjeçar në Tiranë. Autori dyshohet se lëvizte me motor.

Një 56-vjeçar i identifikuar si Bujar Nasufi është ekzekutuar mbrëmjen e sotme në derë të shtëpisë në Tiranë. Ai ishte brenda makinës kur një person me motor ende i paidentifikuar e ka qëlluar disa herë. Motivet e kësaj ngjarje mbeten të paqarta

Rama: Drejtësia foli, im vëlla u bë “mish për top”. Katrani fabrikon akuza për mua prej çerekshekulli.

Kryeministri Rama reagon për herë të parë pasi SPAK mbylli hetimet për vëllain e tij për Xibrakën. Rama thotë se familja e tij u përdor si “mish për top” për të goditur atë, por shton se akuzuesit do të përballen tani në gjykatë për shpifjen e bërë.

Bardhi reagon pas deklaratës së Ramës: Nuk u dha përgjigje 7 pyetjeve për vëllain.

Pas deklaratave të kryeministrit Edi Rama ka reaguar kreu i grupit parlamentar demokrat Gazment Bardhi. Ai thotë se Rama nuk u dha përgjigje 7 pyetjeve që vërtetojnë se SPAK nuk hetoi për përfshirjen e Olsi Ramës në Xibrakë.

Vendi përfshihet nga reshje shiu dhe dëbore. Bllokohet bajpasi i Murrizit, përmbytet sërish Vlora.

I gjithë vendi është përfshirë nga moti i keq këtë të diel. Në veri dhe juglindje reshjet e dëborës kanë shkaktuar probleme në qarkullimin e automjeteve dhe furnizimin me energji. Në Dibër dëbora ka bllokuar bajpasin e Murrizit, ndërsa Vlorë ka probleme me përmbytjet

BBC, jehonë Shqipërisë turistike. Vendi po fiton kohën e humbur me investime të shumta.

Rrjeti prestigjioz britanik BBC i ka kushtuar vëmendje Shqipërisë turistike që sipas saj po përjeton një bum zhvillimi vitet e fundit. Në një reportazh të bërë në vendin tonë thuhet se Shqipëria po fiton kohën e humbur me anë të këtij sektori.

Source : https://www.instagram.com/reel/DEsPSl5qbUs/?igsh=azhvZ3htNjQ4eGN3 https://www.bbc.co.uk/iplayer/episode/m00271df/the-travel-show-albania-reclaiming-the-past?seriesId=unsliced

Zjarret në Los Angeles, 16 viktima dhe shumë të zhdukur. Flakët mbeten jashtë kontrollit.

Arrin në 16 numri i viktimave nga zjarret në veri të Los Anxhelesit ndërsa shumë persona konsiderohen të zhdukur. Vatrat e mëdha kanë hyrë në ditën e 6-të. Ato janë ende jashtë kontrollit dhe rrezikojnë të tjera zona të banuara.

/tvklan.al