Lajme, #edicioniinformativ ora 23:20 data 16 Janar 2025 #TvKlan #klanlajme

Spiker: Reis Çiço

Headlines 16 Janar 2025

SPAK: Kryeprokurori i Sarandës, i përfshirë në korrupsion. GJKKO e pezullon nga detyra

Gjykata e Posaçme pezullon nga detyra kreun e Prokurorisë së Sarandës, Kledian Llahon. SPAK e akuzon magjistratin se është përfshirë në korrupsion duke abuzuar me detyrën, me qellimin për të përfituar nëpërmjet vjehrrit të tij.

Gjykata e Apelit sqaron pse la në “detyrim paraqitje” Sali Berishën

Gjykata e Posaçme e Apelit bëri sqaroi sot ne nje reagim zyrtar arsyet e vendosjes se masës “detyrim paraqitje” Berishen. Apeli thotë se “arresti në shtëpi” nuk ishte i nevojshëm dhe se u mor në konsideratë cilësia e tij si kreu i opozitës në prag të fushatës elektorale.

5 rreziqet për Shqipërinë në 2025-ën. Problemet kryesore: emigrimi dhe rënia e fuqisë punëtore

Emigracioni dhe mungesa e fuqisë punëtore jane dy rreziqet kryesore që do të prekin Shqipërinë gjatë 2025-ës. Në raportin e Forumit Ekonomik Global thuhet se rrezik paraqet edhe krimi, mungesa e shërbimeve publike dhe pabarazia.

Vrau fqinjën 81-vjeçare, zbardhet dëshmia e autorit: “Më ngacmonte gruan, s’e duroja dot”

Zbardhet dëshmia që 64-vjeçari Isuf Hasa, i akuzuar për vrasjen e fqinjit të tij 81 -vjecar, në Zall Bastar. Ai ka pranuar krimin duke thene se viktima ishte bërë i padurueshëm me fyerjet dhe ngacmimet për bashkëshorten e tij.

Bie entuziazmi për armëpushimin në Gaza. 71 të vrarë nga sulmet, Tel Avivi shtyn miratimin

Bie entuziazmi i armëpushimit në Rripin e Gazës. Vetëm pak orë pas shpalljes së lajmit 71 palestinezë të tjerë humbën jetën, gjatë sulmeve izraelite. Qeveria e Natanjahut shtyu miratimin e marrëveshjes që pritet të hyjë në fuqi të Dielën.

Evakuohet në Shqipëri për trajtim mjeksor 1 fëmijë nga Gaza. OBSH falenderon Ramën

Shqipëria është bërë pjesë e një operacioni të organizuar nga OBSH për evakuimin e 11 pacientëve dhe familjarëve të tyre nga Gaza. Në vendin tonë është akomoduar një fëmijë 1-vjeçar që po merr trajtim të specializuar mjekësor dhe familjarët e tij.

Papa Françesku bekon Shtetin Bektashi në Tiranë. Pret në takim Kryegjyshin Botëror

Papa Françesku bekon krijimin e një shteti te Bektashinjve në Tiranë. Ne pritjen e pare ne Vatikan te kryegjyshit boteror, Haxhi Dede Edmond Ibrahimaj, Ati i Shenjte u shpreh  se dialogu ndërfetar ka një rol unik në ndërtimin e një të ardhmeje pajtimi.

/tvklan.al