Lajme, #edicioniinformativ ora 19:30 data 17 Nëntor 2024 #TvKlan #klanlajme

Spiker: Reis Çiço

Headlines 17 Nëntor 2024

Laboratori i kokainës, zbardhen rolet e grupit. 4 persona, financues dhe organizatorë të trafikut

Zbardhen rolet e 10 te arrestuarve të akuzuar si pjesë e grupit që trafikonte kokainë nga Amerika Latine nëpërmjet lëkurave të gjedhit. 4 prej tyre kishin rolin e financuesit dhe organizatorit të aktivitetit që prej muajsh ishte nën vëzhgim nga SPAK.

Inceneratori i Tiranës, SPAK dërgon në gjyq Alqi Bllakon: U korruptua në dy raste nga Zoto e Mertiri

SPAK dërgon në gjykatë dosjen për ish-deputetin Alqi Bllako.

Ai akuzohet nga Prokuroria e Posaçme se është korruptuar në dy raste nga biznesmenët Klodian Zoto dhe Mirel Mërtiri në çështjen e incenetarorit të Tiranës.

Vetëm 1/3 e pallateve në Tiranë me administrator. Me ndryshimet në ligj, gjobë kush nuk paguan

Vetëm një e treta e pallateve në Tiranë kanë një administrator.

Me ndryshimet e reja ligjore që pritet të miratohen në parlament parashikohet gjobë për ata që nuk i paguajnë. Synimi është rritja e shërbimit në komunitet për qytetarët.

Hije skandalesh seksuale për të zgjedhurit e Trump. Nën akuzë, sekretaret e mbrojtjes dhe drejtësisë

Dy nga të përzgjedhurit e Donald Tramp për poste sekretarësh rezultojnë të përfshirë në skandale seksuale të mbajtura të fshehta në të kaluarën. Ata janë të përzgjedhurit për sekretar të mbrojtjes dhe të drejtësisë.

Papa përshendet lumnimin e dy martirëve Shqiptarë: Shembulli i tyre, forcë për ata që u përsekutuan

Papa Francesku përshëndeti sot lumnimin e dy martirëve të Kishës Katolike shqiptare, Dom Gjon Gazulli dhe Atë Luigj Paliq. Kreu i Vatikanit tha se shembulli i tyre duhet të forcojë çdo të krishterë të persekutuar të kohëve të sotme.

Sylvinho: Jam i kënaqur me reagimin e lojtarëve. Jemi ende në garë, gjithçka mund të ndodhë në grup

Trajneri i kombëtares, Silvinjo u shpreh i kënaqur me lojtarët pas barazimit të së shtunës në ndeshjen me Çekinë. Tekniku thotë se Shqipëria është ende në garë për kreun e grupit pasi gjithçka mund të ndodhë në ndeshjet e fundit.

/tvklan.al