Lajme, #edicioniinformativ ora 19:30 data 7 Dhjetor 2024 #TvKlan #klanlajme

Spiker: Drini Zeqo

Headlines 7 Dhjetor 2024

Pas pak Nata finale e “Kënga Magjike”, drëjtpërdrejt në ekranin e Tv Klan

Pas dy netëve gjysmëfinale, ngjitet sonte në skenën e Pallatit të Koncerteve finalja e edicionit të 24-t të festivalit “Kënga Magjike” që do të vijë drejtpërdrejt në Tv Klan. 23 këngëtarë garojnë për trofeun, por nuk do të mungojnë emocionet.

Kolumbiani i kapur në Shqipëri, u hetua nga DEA. “Gafas 1” ishte kreu i bandës

Dalin detaje të reja nga operacioni që çoi në zbulimin e laboratorit të kokainës në Fushë Krujë. Kolumbiani me nofkën “Gafas 1” që u arrestua gjatë operacionit në bashkëpunim me DEA-n rezulton të jetë kreu i grupit kriminal.

Kosminionerët e vetingut duan të futen në gjyqësor. KLGJ shqyrton kërkesën e anëtarëve ë KPT-së

12 anëtarë të Komisionit të Pavarur të Kualifikimit kërkojnë që pas mbarimit të procesit të Vetingut të bëhen pjesë e sistemit gjyqësor. Kërkesa e tyre po shqyrtohet nga KLGJ, por që të merret në konsideratë kërkon ndryshime në ligj.

OBSH: 1 në 3 fëmijë të moshës 7-9 vjeç në Shqipëri, mbipeshë. 14% e tyre janë obezë

OBSH vëren se 1 në 3 fëmijë nga 7 në 9 vjeç në vendin tonë janë mbipeshë, ndërsa 14% janë obezë. Sipas ekspertëve këto tregues janë shqetësues pasi ndikojnë në rritjen e sëmundjeve kronike si ato kardiovaskulare, hipertensioni dhe diabeti.

Hapet sot Katedralja Notre-Dame. Pjesë e ceremonisë janë edhe Trump edhe Zelensky

5 vjet e gjysmë pas djegies u hap mbrëmjen e sotme katedralja e famshme e Parisit “Notre-Dame”. Në ceremoni marrin pjesë 35 liderë botërorë mes të cilëve Donald Tramp dhe Volodimir Zelenski. I pranishëm është edhe kryeministri Edi Rama.

Pirateria TV faturon sa trafiku i kokainës. 3 mld euro të ardhura në të gjithë Europën

Pirateria televizive në Europë faturon të ardhura thuajse sa trafiku i kokainës. Ky është përfundimi i prokurorisë së Katanias që thotë se bëhet fjalë për afërsisht 3 miliardë euro të ardhura në vit në të gjithë kontinentin.

/tvklan.al