Skuderia gjermane beson se avantazhi i krijuar nga motori i ri në makinën e Hamilton nuk do zgjasë

Skuderia e Mercedesit beson se avantazhi në fuqi që makina e Lewis Hamilton ka nga motori i ri i vendosur, nuk do të zgjasë shumë gjatë.

Shpejtësia e kampionit të botës në vijë të drejtë ishte vendimtare në fitoren në Çmimin e Madh të Brazilit.

Kur kanë ngelur edhe tri gara deri në fund të sezonit, Max Verstappen është vetëm 14 pikë përpara britanikut.

Me motorin e ri, Presidenti i Mercedesit Toto Wolf tha se makina do të jetë e besueshme, e nuk do të shfaqë probleme, por avanazhi nga motori do të ulet ngadalë.

Por optimizmi është rritur se Hamilton mund ta fitojë titullin kampion për herë të tetë.

Skuderia rivale e Red Bullit po kërkon shpjegime për faktin se si Mercedesi ishte aq i shpejtë, e ka dyshime se skuderia gjermane ka ndërhyrë në bishtin e makinës, që të ulë forcën tërheqëse të ajrit.

Drejtuesit kanë frikë se shanset e Verstappent për t’u shpallur kampion janë të vogla, nëse Hamilton vazhdon me të tillë performacë edhe në Çmimin e Madh të Katarit, atë të Arabisë Saudite dhe të Abu Dhabit.

Klan News