Emisioni “Historia ime” në Tv Klan solli ditën e sotme lidhjen në Skype me një personazh mjaft të dashur për gjithë shqiptarët, Gianni De Biasi.

Ai tregoi se në këtë periudhë ka vendosur të shkruajë një libër për Shqipërinë me gjithë historinë e tij, që nga takimi i parë dhe deri tek momenti kur u largua në verën e vitit 2017.

Mirela Milori: Mesa di po shkruani diçka, është një libër në lidhje me Shqipërinë apo?

Gianni De Biasi: Kush jua tha këtë gjë? Në këtë periudhë meqë kohën e kam, për ta kaluar po vendos të shkruaj në letër të gjithë historinë time, nga takimi i parë, telefonata e parë deri në momentin kur u largova në verën e 2017. Moment që më vjen keq për disa apekte sepse lashë një pjesë të bukur të zemrës time në Shqipëri.

Më tej, De Biasi ka dhe një mesazh për gjithë shqiptarët duke u shprehur se ajo që kërkon më shumë nga Shqipëria është të jetë një popull i bashkuar, i shëndetshëm dhe i përgjegjshëm për veten, por dhe njëkohësisht duke i bërë një të mirë skuadrës që quhet Shqipëri.

Gianni De Biasi: Ajo që ju them është të shtrëngoni dhëmbët, por në këtë moment mund të gjejmë vlerat e të qëndruarit bashkë, të rrimë me familjen tonë, të kultivojmë ato interesa që nuk kemi mundësit ti kultivojmë gjatë kohës kur punojmë, ndoshta edhe të mësojmë një gjuhë të re. Jam e bindur se kur të dalim nga kjo emergjencë, do të jemi të gjithë pak më të mirë dhe tolerantë ndaj personave dhe gjithashtu ndaj ambientit që na rrethon. Duhet ta kthejmë në vlerë këtë moment që kalon, nuk duhet ta çojmë dëm, por të dalim më të fortë sa më parë dhe çfarë kërkoj më shumë nga Shqipëria është të jetë një popull i bashkuar, i shëndetshëm. Ndaj të jeni   të përgjegjshëm për veten tuaj dhe njëkohësisht i bëjmë një të mirë skuadrës që quhet Shqipëri./tvklan.al