Paul McCartney, një nga yjet e grupit të njohur “The Beatles”, është ende aktiv në skenë, edhe pse në moshën 82-vjeçare.

Në kuadër të turneut të tij “Got Back” këngëtari i njohur ka mbajtur koncertin e tij në Londër të mërkurën mbrëma. Ai e nisi performancën e tij tre orëshe me këngën e njohur ‘(Money Can’t) Buy Me Love’,.

“Epo ne kemi performuar në të gjithë Amerikën e Jugut, Francën dhe Madridin dhe madje edhe Mançesterin. Dhe ja ku jemi kthyer në shtëpi në Londër,” u tha ai fansave.

Koncertet në Londër janë të parat në Mbretërinë e Bashkuar për këngëtarin, që pas performancës së tij të paharrueshme në Festivali Glastonbury në 2022.

Gjatë karrierës së tij, Paul McCartney ka shitur mbi 100 milionë albume, ka fituar 18 çmime Grammy, duke e bërë atë një nga muzikantët më të suksesshëm të të gjitha kohërave.

Klan News