Është arrestuar Ledjon Ndoj, autori i plagosjes me armë zjarri në lagjen “Nënë Tereza” në Lezhë. Burime për Klan News bëjnë me dije se shkak janë bërë konfliktet e mëparshme mes të rinjve, për prishjen e pazareve të drogës.

Ngjarja u raportua pasditen e së Martës, ku Egzon Gega mori një plumb në gjoks. Ky i fundit ndodhet në spital dhe është jashtë rrezikut për jetën.

Dyshohet se 23-vjeçari me iniciale L.N. ka plagosur me pistoletë 30-vjeçarin Gega. I plagosuri është transportuar në spital për ndihmë mjekësore dhe ndodhet jashtë rrezikut për jetën. Grupi hetimor nën drejtimin e Prokurorisë vijon punën për zbardhjen e rrethanave dhe dokumentimin e plotë ligjor të rastit”, njoftoi më herët Policia.

/tvklan.al