Një vajzë e mitur ka mbetur e lënduar ditën e sotme në Shkodër pasi u përplas nga një makinë.

11-vjeçarja po ecte në këmbë kur ka ndodhur ngjarja. Ajo është dërguar në spitalin e Shkodrës ku po merr ndihmën e nevojshme mjekësore.

Informacion paraprak

Rreth orës 13:15, në aksin rrugor “Shkodër-Mjedë”,  automjeti me drejtues shtetasin D. U., 43 vjeç, ka përplasur një të mitur 11-vjeçare që lëvizte në këmbë.

Si pasojë është dëmtuar 11-vjeçarja, e cila është dërguar për ndihmë mjekësore në spitalin rajonal të Shkodrës. 

Grupi hetimor po punon për sqarimin e rrethanave të aksidentit./tvklan.al