SpaceX lëshoi një tjetër raketë gjigande Starship në hapësirë, por humbi kontaktin disa minuta gjatë fluturimit provë.
Raketa doli jashtë kontrollit menjëherë pas lëshimit të saj nga Teksasi. Nga shpërthimi ranë disa mbeturina dhe detyruan autoritet të anulonin fluturimet në disa aeroporte të Floridës, Miami dhe Orlandos.
Mediat e huaja bëjnë me dije se nuk ka të lënduar nga rënia e mbeturinave nga qielli.
Kompania SpaceX në një deklaratë sqaroi se do të rishikonte të dhënat për të kuptuar më mirë shkakun e mosfunksionimit të raketës gjigande dhe vuri në dukje se shpërthimi ndodhi pas humbjes së “disa” motorëve.
“Si gjithmonë, suksesi vjen nga ajo që mësojmë dhe ky fluturim do të na shërbejë për të mësuarr më shumë”, thuhet ndër të tjera në deklaratën e lëshuar.
Ky ishte misioni i tetë për të testuar raketën, dhe dështimi i saj i dytë radhazi. Starship është raketa më e madhe, më e fuqishme e ndërtuar ndonjëherë dhe është tregues i ambicieve të Elon Musk për të kolonizuar Marsin.
Klan News
