Kujdesi për lëkurën është i rëndësishëm, sidomos nëse keni  një lëkurë të ndjeshme. Për të larguar qelizat e vdekura të lëkurës dhe për t’i dhënë asaj freski dhe shkëlqim janë disa rregulla të thjeshta që mund të ndiqni.

Përdorni gjithmonë llojin e duhur të pastruesit të fytyrës.

Çdo lloj lëkure është e ndryshme dhe duhet të kuptoni se çfarë iu përshtatet më mirë. Zgjidhni një që i përshtatet llojit tuaj të lëkurës dhe që nuk shkakton asnjë lloj acarimi. Nëse keni lëkurë tepër të yndyrshme, përdorni një pastrim xhel. Nëse lëkura juaj është e thatë, përdorni një pastrim kremi.

Ndërsa nuk ka një rregull fiks se kur duhet të pastroni fytyrën tuaj, këshillohet që ta bëni atë në mbrëmje. Është gjithmonë e rëndësishme që t’i kushtoni kujdes rutinës tuaj të natës sepse lëkura ka një tendencë të qëndrojë aktive gjatë natës. Gjithashtu duhet të pastroni fytyrën para se të shkoni për të fjetur dhe të vendosni një krem hidratues.

Mënyra se si e bëni pastrimin e fytyrës ka shumë rëndësi. Pastrimi i lëkurës në mënyrë jo të kujdesshme, veçanërisht nëse keni llojin e ndjeshëm të lëkurës mund ta dëmtojë atë. Shtresa e jashtme mbrojtëse e lëkurës mund të dëmtohet, duke shkaktuar inflamacion, skuqje dhe puçrra në fytyrë. /tvklan.al