20 mace të mëdha kanë ngordhur nga gripi i shpendëve gjatë javëve të fundit në një vendstrehim kafshësh në Uashington. Streha është e mbyllur për publikun për të parandaluar përhapjen e virusit.

Drejtori i vendstrehimit, Mark Mathews tha për “New York Times” se kafshët ngordhën midis Nëntorit dhe mesit të Dhjetorit: Ne kurrë nuk kemi pasur diçka të tillë; ata zakonisht ngordhin kryesisht nga pleqëria.

Vetëm 17 mace tani kanë mbetur në vendstrehimin e kafshëve në Uashington.

“Macet janë të prekshme ndaj këtij virusi, i cili mund të shkaktojë simptoma fillestare delikate, por përparon me shpejtësi, shpesh duke rezultuar në ngordhje brenda 24 orëve”, thanë përfaqësues të strehimores.

Gripi i shpendëve ka infektuar prej kohësh tufat e shpendëve në SHBA. Por virusi filloi të infektojë bagëtitë në SHBA për herë të parë në Mars. Që nga Prilli 2024, ka pasur 61 raste njerëzore të gripit të shpendëve të raportuara në SHBA.

Rreziku për popullatën e gjerë mbetet i ulët dhe nuk ka pasur transmetim të qëndrueshëm nga njeriu te njeriu./tvklan.al