Shpërthim tritoli në një market në zonën e Thethit. Këto janë dhe pamjet e shpërthimit që ka shkaktuar jo pak dëme materiale në këtë biznes. Ngjarja ka ndodhur rreth orës 1 e 30 të mëngjesit të së dielës. Kamerat kanë fiksuar autorin, i cili i afrohet biznesnit me çadër në dorë.

Pasi vendos lëndën eksploziv, ai largohet me shpejtësi. Policia e Shkodrës, në një kohë të shkurtër ka mundur të identifikojë autorin dhe ta arrestojë.

Operacioni për kapjen e tij u krye në kushte të vështira në zonën e Qafë Thores për shkak të reshjeve të dendura të dëborës.

Këto janë dhe pamjet e momentit të arrestimit të autorit.

39-vjeçari, informon Policia, është banor i një fshati pranë Thethit. Ai u dërgua në komisariatin e Shkodrës ku dhe do të pyetet për shkaqet e vendosjes së tritolit ndërsa akuzohet për “Shkatërrimi i pronës me eksploziv” dhe “Prishja e qetësisë publike”.

Klan News