Finalja e Euro 2024! “Çmenduri” dhe atmosferë e flaktë në Berlin

Të nderuar lexues, këtu i japim fund këtij raportimi live ku kishim për qëllim t’ju tregonim se çfarë ndodhi para se të niste sfida Spanjë-Angli.

Por për të ndjekur minutë pas minute finalen e Euro 2024 klikoni KËTU!

Giorgio Chiellini prezanton trofeun para stadiumit. Për këtë kupë luftojnë sot Spanja dhe Anglia!

Çdo fillim e ka dhe një fund! Nuk meritonte një mbyllje më të bukur se kjo Euro 2024.

Ceremonia përmbyllëse kishte performancën e OneRepublic, Leony dhe MEDUZA me këngën zyrtare të turneut, “Fire”. Dhe në fund, fishekzjarre për të përcjellë një atmosferë të flaktë në Berlin.

Stadiumi “Olympiastadion” i Berlinit është gati për të pritur finalen.

Siç e përmendëm shumica e tifozëve në stadium pritet të jenë anglezë. Shumë prej tyre kanë kryer sakrifica të mëdha.

Këtë na e vërtetoi një tifoze angleze që kishte ardhur nga Australia për të parë finalen. Madje për gazetarin Gentjan Alinani ajo zbuloi se për biletën në stadium kishte paguar 4500 Euro… Lexo më shumë

Komentatori Alban Xhihani, zbuloi detajet para finales së madhe të Europianit, mes Spanjës dhe Anglisë.

Xhihani deklaroi se në stadium 90% do të jenë tifozë të Anglisë, ndërsa theksoi se vetëm 3-4 mijë spanjollë do të jenë të pranishëm.

“Stadiumi është mbushur në 20%, shoh vetëm fanella të anglezëve, shumë pak spanjollë. 10% janë spanjollë, 90% anglezë. Do ketë dominim anglezësh në stadium”, tha Xhihani… Lexo më shumë

Spanja dhe Anglia zbresin në fushën e blertë në orën 21:00. Por edhe Tv Klan ka ekipin e vet në stadiumin “Olympiastadion” të Berlinit.

Gazetari dhe komentatori Alban Xhihani bashkë me ish-futbollistin Florian Myrtaj përcollën emocionet para sfidës.

Specialisti i futbollit Arjan Peço tha gjatë emisionit “Kampionët”në Tv Klan se Spanja ka pasur një konstante ne lojën e saj dhe ka ardhur me meritë të padiskutueshme në këtë finale. Në kontrast me La Roja-n, anglezët janë paraqitur me një lojë të shëmtuar sipas tij.

“Spanja ka bërë një rekord duke fituar të 6 ndeshjet. Po e fitoi ka për të qenë fitorja e 7-të dhe është rast unik. Spanja është një konstante në lojën e saj. Një konstante e cila i jep asaj rezultate. Spanja nuk ka yje të mëdhenj, ndryshe nga disa ekipe të tjera. Ekipi anglez është paraqitur në mënyrë mediore. Nuk ka bindur me lojën e saj, Anglia. Anglia ka super yje, por ecurinë e ka si të ishte një ekip i vogël”, tha Peço.

Spanja është fituesi i Euro 2024. Iberikët fituan në finale përballë Anglisë në një ndeshje të luftuar. Sfida u luajtur në Olympiastadion.

Mbi 71 mijë tifozë ishin të pranishëm në tribuna për të mbështetur skuadrat, shumica anglezë. Finalja u transmetua ekskluzivisht në ekranin e Tv Klan.

REDAKSIA TVKLAN.AL