Stop Tv Klan | Një format satiro-investigativ nga Saimir Kodra & Gentian Zenelaj.
Avokati amerikan nxirret nga salla, erdhi enkas për të shpëtuar Veliajn
Në Gjykatën e posacme të Apelit u zhvillua sot seanca e ankimimit për masën e arrestit ndaj kreut të bashkisë së Tiranës Erion Veliaj.Avokati i tij amerikan, Joshua Roberts, i ardhur enkas nga SHBA, ka hyrë e ka dalë nga godina, pa mundur dot të jetë pjesë e seancës, pasi nuk u legjitimua si i tillë.
Skandali, pa punuar asnjë ditë, inceneratori i Elbasanit gllabëron miliona
Impianti i trajtimit të mbetjeve urbane në Elbasan u ndërtua në vitin 2017 me një kosto 26 milionë euro përmes një kontrate partneriteti publik privat. Pas hetimeve të Spak, Inceneratori i kaloi Agjensisë së Trajtimit të Pasurive të Sekuestruara dhe të konfiskuara, e cila ia dha në menaxhim “Eco Elb” një shoqëri publike, e krijuar në mars 2022 nga 7 bashkitë e qarkut Elbasan. Por a funksionon vërtet ky impiant. Sipas të dhënave zyrtare të Eco-Elb sh.a, thuhet se Impianti gjatë vitit 2022 ka punuar rreth 24 ditë dhe nuk ka punuar 341 ditë. E megjithatë Bashkia Elbasan dhe mbikqyrësit e kontratës, nuk kanë bërë ndërprerjen e saj, duke vazhduar t’i paguajnë shoqërisë “Eco-Elb” 2,500 lekë/ton. Në vitin 2023 Bashkia Elbasan ka lidhur sërish të njejtën kontratë, pa i bërë asnjë ndryshim, edhe pse, sipas të dhënave zyrtare, për këtë vit inceneratori ka funksionuar pjesërisht për disa muaj. Në vitin 2024 sërish Bashkia e Elbasanit rinovon kontratën me “Eco ELB”, megjithëse për këtë vit, inceneratori nuk ka funksionuar asnjë ditë. Administratori Lel Kaja pranon faktin, që inceneratori nuk punon dhe se firma, që ai administron, ka marrë pagesën e plotë nga Bashkitë, për të inceneruar mbetjet, por ato nuk janë inceneruar, sepse impianti ka nevojë për remont.Ekipi i emisionit “Stop” ishte prezent në mbledhjen e Këshillit Bashkiak, ku u tentua rilidhja e kontratës, po u shty për në mbledhjen tjetër, sapo u mësua interesimi i “Stop”.Nga ana tjetër kemi mësuar, se policia dhe Prokuroria e Elbasanit kanë ushtruar kontrolle dhe kanë sekuestruar dokumentë në ambientet e Inceneratorit të Elbasanit. Krahas hetimit të Spak, është regjistruar një procedim në Prokurorinë e Elbasanit dhe pistat kryesore të këtij hetimi janë zjarrrvënia në korrik 2023, qe iu be mbetjeve urbane jashtë impiantit, shpërdorimi i detyrës dhe korrupsioni, vepër penale, që rëndon mbi administratorin e “Eco Elb sha”.
“Lekët i mori një që iku nga vettingu”, lëvizja e avokates pas transmetimit
Në 19 shkurt të këtij viti transmetuam një rast në Lushnje. Bexhet Vrapi tregoi, se kunati i tij, që jeton në Amerikë, 10 vjet më parë është lidhur me avokaten Klotilda Kola, e cila i mori 18 mijë dollarë, duke i premtuar, se do të fitonte pronën me gjyq. Por, gjyqi caktoi disa bashkëpronarë dhe avokatja tani duhet t’i kthejë lekët. Prej një viti e gjysmë Bexheti thotë, se nuk po mundet të marrë paratë.Vetë avokatja shprehet, se paratë do t’ia kthejë në 21 shkurt. Sipas saj, lekët janë marrë nga një gjyqtar, që iku nga sistemi për shkak të vettingut.Pas transmetimit të rastit, Bexheti tregon, se avokatja Klotilda Kola e ka telefonuar dhe i ka dhënë një pjesë të parave, duke i premtuar, që pjesën e mbetur, rreth 7 milionë lekë, t’ia japë në fund të muajit mars.
/tvklan.al
