Sezon për t’u harruar për Tiranën. Bardheblutë po përjetojnë një krizë të jashtëzakonshme rezultatesh, duke rrezikuar jo pak qëndrimin në elitën e futbollit shqiptar. Asnjë fitore e regjistruar në 5 ndeshjet e fundit, mbi të gjitha ku kanë regjistruar 3 humbje dhe 2 barazime. Formë që ka lëkundur jo pak pozitat e skuadrës kryeqytetase momentalisht e 7-ta në renditje me 11 pikë.

Ecuri që u kurorëzua edhe me humbjen e tifozëve për pjesën e mbetur të sezonit pas atij penalizimi nga Komisioni i Disiplinës. Vështirësi deri në këtë pikë të sezonit kanë qenë të mëdha për skuadrën bardheblu.

Pas 12 ndeshjeve kanë pësuar 16 gola, pak më shumë se një gol çdo 90 minuta. Edhe sulmi nuk ka bindur, me Tiranën që ka shënuar 13 gola. Kryeqytetasit kanë regjistruar deri më tani 1 fitore, 8 barazime dhe 3 humbje, dy prej të cilave të pësuara radhazi në javët e fundit.

Klan News