“25 mijë euro ose të vramë djalin”

Duam 25 mijë euro ose të vramë djalin. Policia e Lezhës ka arritur të zbulojë dy gjobvënës, të cilët i kërkonin shtetasit V.P këtë shumë marramendëse.

Në pranga kanë përfunduar Dodë Gjoka, i dënuar më parë për tentativë vrasje dhe Mark Quku.

Ata i kishin dërguar një letër dhe disa mesazhe telefonike shtetasit V.P. Ky i fundit nuk ka rënë pre e kërcënimit ndërsa ka bërë denoncimin në polici.

Pas 5 orë kërkimesh dhe hetimesh policia ka arrestuar dy gjobëvënësit, në vendin e quajtur “Malecaj”, tek ura e fshatit.

Policia ka sekuestruar telefonin nga ishin nisur mesazhet, një palë dylbi të cilat i përdornin për të vrojtuar si dhe makinën që udhëtonin./ tvklan.al