Sonte starton në Mynih EURO 2024, ku vendi organizator Gjermania do të përballet me Skocinë, ndeshje e vlefshme për grupin A

Në mbështetje të përfaqësuese skoceze, nëpërmjet një videomesazhi, ka folur dhe trajneri legjendar Alex Ferguson.

“Shpresoj që të gjithë të kënaqeni sot, mbështetje për djemtë tanë. Steve Clark, ka bërë një punë fantastike, kështu që le të shpresojmë për më të mirën.

Por doja të thoja për fansat tanë sa herë që kemi qenë jashtë vendit, kudo që shkojmë, ju keni treguar sjellje të mrekullueshme, e keni mbështetur gjithmonë skuadrën pa marrë parasysh rezultatin, ju e keni shijuar ekipin,  prandaj faleminderit për mbështetjen tuaj”

Unë shpresoj se sot është një nga ato ditët e mrekullueshme për ne, por më e rëndësishmja është, shijojeni”- tha sër Alex.

Të gjitha ndeshjet e EURO 2024 do të transmetohet për publikun shqiptar falas në TV Klan.

/tvklan.al