Arkiva Lajme – Tv Klan 2000

Katastrofat ajrore kësaj radhe prekin Rusinë. Një avion i vogël Jag-40 është rrëzuar sot gjatë ngritjes nga aeroporti i Moskës. 9 të vdekur është bilanci i tragjedisë ajrore. Mes pasagjerëve dy emra të njohur të jetës ruse. I pari Arzjon Baravik, 38-vjeçar drejtor i gazetës “Rreptësisht sekret”, në të cilën janë botuar skandalet financiare të familjes Jelsin dhe tjetri një njeri i diskutuar mes politikës dhe biznesit. Zia Bazhajev, me origjinë çeçene, i cili drejtonte një shoqëri shumë të madhe nafte. Të dy këto personazhe kanë qenë të parë me sy jo të mirë nga Kremlini. Ndërsa po sot në mëngjes Putin para se të ndodhte tragjedia, I bëri thirrje popullit të tij se para ligjit të githë janë të barabartë.

Vrasjet po bëhen si seri telenovelash në SHBA. Fred Williams 41-vjeçar ka vraë fillimisht gruan e tij pas disa muajsh martesë, më pas I ka vënë flakën shtëpisë për të mbuluar gjurmët e krimit, Më tej i çekulibruar mendërisht a ka dalë nga shtëpia dhe ka qëlluar një sherif të zonës dhe tre kalimtar të rastit duke i lënë të vdekur në vend. Opinioni amerikan i tronditur kërkon që të ndryshohet ligji për armëmbajtjet me leje. Klinton i ka kërkuar kongresit amerikan që të rishohi ligjin për armëmbajtjet me leje./tvklan.al

Gazetare – Mirela Milori