Gjatë raportimit të punës 1 vjeçare, kryekomisioneri Celibashi deklaroi se ka nevojë për një reformë të thellë elektorale. Ai kërkoi që grupi i dialogut të vijojë punën për realizimin e reformës.

 “Pas 2025 do të ketë zgjedhje, pse jo të diskutojmë për të gjitha çështjet e problematikat. Edhe nëse nuk kanë efekt në 2025. Efektet le ti prodhojë pas zgjedhjeve të 2025, dhe zgjedhjeve të radhës. E kuptoj që shkakton hilaritet, por nuk është pa sens dhe shumë e arsyetuar. Do të ishte e udhës që kjo strukturë, apo një strukturë tjetë të krijohet për të punuar, për të bërë vërtetë një reformë zgjedhore të vërtetë.”

Celibashi theksoi se nëse partitë nuk zbatojnë vendimin e kushtetueses për votën e diasporës, kjo nuk do të jetë e mundur në zgjedhjet e vitit 2025. Ai theksoi se KQZ mund të ndihmojë palët politike, por i takon ligjvënësve të vendosin.

“Në momentin kur ka drafte konkrete nëse do të ftohemi për të dhënë kontributet tona do të japim. Por duhet të jetë e qartë. Nëse kuvendi nuk bën plotësimet që vendimi i Gjykatës Kushtetuese i kërkon më vjen keq ta them por nuk do të jetë e mundur të zhvillohet votimi nga jashtë për zgjedhjet e 2025 e KQZ të ketë rol në këtë proces”, tha Celibashi.

Gjatë vitit 2023, KQZ dërgoi për verifikim 44 kandidatë në Prokurori. Prej tyre, 11 kandidatë për kryetarë bashkisë dhe 33 kandidatë për anëtarë të këshillave bashkiakë.

Klan News