Rodri fiton “Topin e Artë”

Ka nisur ceremonia për dhënien e trofeut të “Topit të Artë”. Do të jepen gjithashtu edhe çmime të rëndësishme, për lojtarët që shkëlqyen gjatë vitit. Në nisje të ceremonisë, u prezantuan edhe finalistët që janë në garë për fitimin e “Topit të Artë”, te meshkujt, por edhe te femrat.

Rodri, shihet si favoriti absolut për të fituar “Topin e Artë”. Mesfushori ka mbërritur në Paris, në ceremoninë e dhënies së çmimit.

Siç dihet, lojtari ka mbyllur sezonin për shkak dëmtimi. Mesfushori ka këputur ligamentet e gjurit, ndërsa në ceremoni ka mbërritur me paterica.  

Ceremonia për dhënien e çmimit nis për pak minuta. Deri më tani ju kemi përcjellë disa lajme interesante rreth Topit të Artë.

Më i rëndësishëm fakti që deri më tani është publikuar renditja e 20 lojtarëve. Së shpejti do të njihemi me 10 më të mirët në botë.

Sipas asaj që raportohet nga gazetari Jose Luis Sanchez, ishte Manchester City, klubi që njoftoi Realin e Madridit, se fitues i “Topit të Artë” është përzgjedhur Rodri.

Spanjollët, prisnin që fitues të ishte Vinicius dhe për këtë arsye, kishin planifikuar një udhëtim drejt Parisit, me një bord prej 50 personash. Megjithatë, pasi u njoftuan se nuk do të jetë braziliani fitues, madrilenët vendosën të bojkotojnë ceremoninë.

Mediat pranë klubit raportojnë se te Real Madrid, ndihen të vjedhur dhe mendojnë se në këtë ka ndikuar UEFA.

Për herë të parë në 20 edicionet e fundit të ceremonisë nuk janë të pranishëm në listën e 30 lojtarëve më të mira as Messi e as Cristiano Ronaldo.

Argjentinasi e ka fituar 8 herë Topin e Artë ndërsa Ronaldo 5 herë. Që nga viti 2008 e deri vitin e kaluar ka pasur një dominim total të tyre gjatë dy dekadave.

Megjithatë, fakti që nuk janë më në listë tregon që ka ardhur fundi i një epoke që ka bërë shumë njerëz të dashurohen me futbollin.

Të gjitha mediat ndërkombëtare më prestigjioze fokusin e kanë në Paris sonte. “Lufta” bëhet jo vetëm për trofeun, por edhe në tapetin e kuq.

E kështu britanikja The Guardian ndalet tek trajneri i Spanjës, Luis de la Fuente që shkruajnë se duket sikur po shkon për të marrë çmimin Oscar pasi drama e tij historike fitoi Filmin më të Mirë Ndërkombëtar.

Në fakt ironia e The Guardian vjen pasi ishte ekipi i De la Fuentes që mundi në finalen e Euro 2024, Anglinë. Tashmë spanjolli duket se është pranë edhe çmimit për trajnerin më të mirë.

Shfletoni më poshtë për të lexuar më shumë lajme rreth ceremonisë së Topit të Artë!

Emrat e dy lojtarëve të Real Madrid, Vinicius Junior dhe Jude Bellingham, janë hequr nga ulëset në ceremoninë e “Topit të Artë”.

Ky veprim, vjen pak orë pasi klubi i spanjoll vendosi të bojkotojë ceremoninë, pasi mësuan se asnjë nga lojtarët e tyre nuk do të jetë fitues… Lexo më shumë

Lista e 30 futbollistëve më të mirë zbulohet pothuajse dy muaj para ceremonisë. Më pas votojnë 100 gazetarë, të zgjedhur prej 100 vendeve të para në renditjen e FIFA-s për meshkuj.

Detyra e tyre është të votojnë për 10 lojtarët më të mirë nga lista e shkurtër me 30 lojtarë. 10 lojtarëve u jepen 15, 12, 10, 8, 7, 5, 3, 2 dhe 1 pikë respektivisht. Topi i Artë i jepet lojtarëve me numrin më të lartë të pikëve.

Atyre u kërkohet të konsiderojnë tre gjëra: performancën individuale, performancën kolektive si dhe lojën e ndershme (fair play).

Gara nuk është e fortë vetëm për “Topin e Artë”. Këtë vit do të jepet edhe çmimi për “Trajnerin e vitit”.

Për këtë është “luftë” e fortë mes dy trajnerëve, Carlo Ancelotti, që fitoi titullin në Spanjë dhe Champions League me Real Madrid.

Nuk është më pak i avantazhuar edhe trajneri i Spanjës, Luis De La Fuente, i cili fitoi Europianin në verë.

Qëndroni në Tvklan.al! Në këtë raportim live do të mund të ndiqni të gjitha zhvillimet nga ceremonia e Topit të Artë.

Kjo ngjarje është një nga më të rëndësishmet në botën e futbollit. Gazetarët Gramoz Pisha dhe Krisildi Maxhari do t’ju përcjellin detaje nga më interesantet gjatë eventit dhe jo vetëm…

Më poshtë do të gjeni disa informacione interesante mbi Topin e Artë dhe mbi të gjitha renditjen e futbollistëve.