Tek Al Nassr po bëjnë gjithçka për të bindur Cristiano Ronaldo që të qëndrojë përtej këtij sezoni. Paga 200 milionë euro për 1 vit tjetër është një pjesë e asaj që do të përfitojë portugezi. Drejtuesit i kanë ofruar edhe 5% të aksioneve të klubit të njohur arab sipas asaj që shkruan gazeta spanjolle “Marca”.

Ky vlerësim ka lidhje edhe për atë që ka bërë Ronaldo qëkur u transferua në 2023 në Riad, duke rritur edhe vlerën e klubit që aktualisht vlerësohet 660 milionë euro, klubi i shtatë i futbollit në botë.

Cristiano Ronaldo ka treguar përkushtim maksimal në fushë dhe jashtë saj, sjellje që i ka bërë të gjithë për vete. 39-vjeçari në 84 ndeshje me Al Nassr ka shënuar 75 gola dhe ka dhënë 18 asiste. Ronaldo luan ende edhe me përfaqësuesen e Portugalisë.

Tv Klan