Në Vlorë është arrestuar një 36-vjeçar, i cili për shkak të një konflikti për motive të dobëta, dogji në mesnatë, automjetin e një 34-vjeçari. Policia bën të ditur se ngjarja ndodhi në lagjen “28 Nëntori”

Ndërkohë nga hetimet dyshohet se i arrestuari e ka kryer këtë krim, për shkak të një konflikti të mëparshëm, për motive të dobëta.

Materialet procedurale i kaluan Prokurorisë, për veprime të mëtejshme.

Njoftimi i Policisë:

Për shkak të një konflikti për motive të dobëta, dogji në mesnatë, automjetin e një 34-vjeçari, arrestohet 36-vjeçari.

Menjëherë pas njoftimit se rreth orës 00:30, në lagjen “28 Nëntori”, ishte djegur automjeti tip “Volvo” në përdorim të shtetasit K. D., 34 vjeç, Komisariati i Policisë Vlorë dhe Forca e Posaçme “Shqiponja” e DVP Vlorë organizuan punën për të nxjerrë përpara përgjegjësisë penale autorin/ët dhe për të zbardhur rrethanat e rastit.

Si rezultat, në kuadër të operacionit “Flames 4”, u identifikua dhe u vu në pranga, autori i dyshuar i rastit, shtetasi A. M., 36 vjeç, banues në Vlorë, i cili nga hetimet dyshohet se e ka kryer këtë krim, për shkak të një konflikti të mëparshëm, për motive të dobëta, me shtetasin K. D.

Materialet procedurale i kaluan Prokurorisë, për veprime të mëtejshme.

/tvklan.al