Lajme Arkiva – TV Klan 2001

Në sallën e Black Box-it, në Akademinë e Arteve të Bukura është shfaqur drama e regjisorit Arben Kumbaro “Harromëni”. Kjo dramë bën fjalë për një heremit, që jeton në malet e Ballkanit, i cili takohet me një vajzë që jeton në Paris. Që në fillim të pjesës marrim veshë se vajzën e kanë vrarë.

Në këtë dramë interpretojnë aktorët Fatos Sela, Valbona Imami dhe Bujar Asqeriu. Drama “Harromeni” është shkruar nga Arben Kumbaro, në Francë dhe është vënë si premierë për herë të parë në Boston dhe Atlanta në SHBA. Kjo është drama e parë e regjisorit Arben Kumbaro./tvklan.al

Gazetare – Fjodora Fjora