Pas Armando Sadikut një tjetër futbollist i Kombëtares përflitet se mund të transferohet në kampionatin turk. Mërgim Mavraj kërkohet si një përforcim për mbrojtjen e Fenerbahçe sipas gazetës vendase “Vatan”.

31-vjeçari ishte një dëshirë e skuadrës së njohur nga Stambolli prej meraktos së verës, por transferimi i tij po synohet edhe në këtë të dimrit që sapo është hapur zyrtarisht. Hamburg që ka një kontratë me Mavrajn deri në qershor të 2019 kërkon nga 1 milionë e gjysmë deri në 2 milionë euro për të lënë të lirë mbrojtësin.

Lojtari përflitet se do të përfitojë 1 milionë e 700 mijë euro në sezon, nëse pranon të luajë për Fenerbahçe, duke u kthyer në më të paguarin mes kuqezinjve. Kjo do të ishte përvoja e parë e Mërgim Mavraj jashtë Gjermanisë. Në Superligën e Turqisë aktivizohet aktulaisht Sokol Cikalleshi me Osmanlispor.

Tv Klan